Power Shutdown: बार्देश, पेडणे तालुक्यात रविवारी वीज खंडीत होणार

Power Shutdown: उत्तर गोवा जिल्ह्यातील बार्देश आणि पेडणे तालुक्यातील अनेक भागांमध्ये रविवारी वीज खंडीत होणार आहे. थिवी वीज उपकेंद्राच्या कार्यकारी अभियंत्यांनी याबाबतचे परिपत्रक जारी केले आहे. वीज ग्राहकांनी याची नोंद घ्यावी, असे आवाहन करण्यात आले आहे.

रविवारी, 11 जून रोजी पहाटे 6 ते दुपारी साडे अकरा या काळात थिवी येथील वीज वाहिनीच्या दुरूस्तीचे काम केले जाणार आहे. त्यामुळे या काळात बार्देश आणि पेडणे तालुक्यातील वीजप्रवाह खंडीत राहणार आहे.

दरम्यान, अत्यावश्यक सेवांसाठी, असनोडा वॉटर वर्क्स, जिल्हा रूग्णालय येथील वीज पुरवठा सुरळीत राहिल, असेही कळविण्यात आले आहे.