अपंग व्यक्तींना मुख्य प्रवाहात आणण्याच्या उद्देशाने दिव्यांगजन आयोग, समाज कल्याण संचालनालय आणि गोवा मनोरंजन संस्था यांच्या सहकार्याने होत असलेल्या पर्पल फेस्टला मान्यवरांच्या उपस्थितीत उत्साही वातावरणात काल सुरुवात झाली. आयनॉक्स परिसरात झालेल्या उद्‌घाटन सोहळ्यास गोवा राज्याचे मुख्यमंत्री डॉ. प्रमोद सावंत, केंद्रीय सामाजिक न्याय आणि सक्षमीकरण मंत्री डॉ. वीरेंद्र कुमार यांची प्रमुख उपस्थिती होती.
या सोहळ्याला प्रसिद्ध गायक, संगीतकार शंकर महादेवन यांनीही उपस्थिती लावली होती. शंकर महादेवन हे अलीकडच्या काळातील सर्वात यशस्वी गायक आणि संगीतकारांपैकी एक आहेत. जगभरातील विद्यार्थ्यांना ऑनलाइन भारतीय संगीत शिकवणाऱ्या शंकर महादेवन अकादमीचे संस्थापक, भारतीय पार्श्वगायक आणि संगीतकार म्हणून शंकर महादेवन यांचे संगीत क्षेत्रात मोठे नाव आहे.
पर्पल फेस्ट सोहळ्यादरम्यान शंकर महादेवन यांनी आपले विचार मांडले. महादेवन म्हणाले, संगीत प्रेमी विद्यार्थ्यांसाठी गोव्यात संगीत शिकण्यासाठी योग्य सुविधा नाहीत, भारतीय आणि आंतरराष्ट्रीय विद्यार्थी येऊन संगीत शिकू शकतील अशा सुविधा असणं हे महत्वाचं आहे. अशा दर्जेदार सुविधा असणं फार गरजेचं आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.