राज्यात 4 हजार 957 रेंट ए कॅबच्या कार सेवेत आहेत. दहा संस्थांकडे कॅब चालविण्याचा परवाना असून त्यात बार्देश तालुक्यात पाच, सासष्टीत तीन, तर पेडणे, तिसवाडी आणि फोंडा येथे प्रत्येकी एक असा सरकारी परवानाधारकांचा समावेश असल्याची माहिती वाहतूकमंत्री माविन गुदिन्हो यांनी लेखी उत्तरात दिली आहे.
हळदोण्याचे आमदार कार्लोस फेरेरा यांनी विचारलेल्या प्रश्‍नांमध्ये मंत्री गुदिन्हो यांनी दिलेल्या माहितीतून राज्यातील रेंट ए कॅब चालविणाऱ्या संस्थांविषयीची सविस्तर माहिती स्पष्ट होते.
आमदार फेरेरा यांनी रेंट-ए-कॅब चालविण्याचा परवाना असलेल्या सरकारकडे नोंदणीकृत एजन्सी/कंपन्या/आस्थापनांची संख्या, आरटीओ कार्यालयनिहाय आणि तालुकानिहाय तपशीलात आस्थापनाचे नाव, पत्ता, मालकाचे नाव, परवानगी देण्याची तारीख, मालकीच्या कारची संख्या, वाहनाचा प्रकार, भाड्याने कॅब परवाना जारी करण्यावर सरकारच्या स्थगितीची सद्यस्थिती असे प्रश्‍न विचारले होते.
या प्रश्नावर दिलेल्या लेखी उत्तरातून स्पष्ट होते की, सरकारकडे नोंदणीकृत असलेल्या एजन्सी तथा आस्थापनांमध्ये सात खासगी आस्थापनांचा, तर तीन संघटनांचा समावेश आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.