राज्यात चोरीच्या घटना बऱ्याच वाढल्या असून रविवारी (ता.११) रात्री पर्वत परोडा येथील श्री चंद्रेश्वर भूतनाथ संस्थानातील फंडपेटी फोडून सुमारे दहा हजार रुपयांची चोरी करण्यात आली.
गेल्या रविवारी केपे बाजारात प्रवासी बसमध्ये चढताना दोन महिलांच्या सोनसाखळ्या चोरून नेल्या होत्या, हे प्रकरण ताजे असताना आता ही चोरी झाल्याने लोकांमध्ये भीतीचे वातावरण पसरले आहे.
केपे पोलिसांनी दिलेल्या माहितीनुसार रविवारी रात्री १२.३० ते २.३० वा.दरम्यान चोरी झाली. मंदिराच्या दरवाजाचे कुलूप तोडून दोघा चोरट्यांनी आत प्रवेश करून फंडपेटी ओढून मंदिराच्या पाठीमागे आणली. नंतर ती फंडपेटी फोडून आतील रक्कम चोरून नेली.
सोमवारी (ता.१२) सकाळी मंदिरातील बाहेर पेटणारे विजेचे दिवे बंद करण्यासाठी मंदिर कर्मचारीआले असता हा चोरीचा प्रकार उघडकीस आला. याची माहिती पोलिसांना दिली असता पोलिसांनी लगेच घटनास्थळी धाव घेतली. हा चोरीचा प्रकार मंदिरात बसविलेल्या सीसीटीव्ही कॅमेऱ्यात कैद झाला आहे.
मंदिराचे मुख्यत्यार पंडित देसाई यांनी पोलिसांना दिलेल्या माहितीप्रमाणे दोन आठवड्यांपूर्वी ही फंडपेटी उघडून आतील पैसे काढले होते व आता फक्त दोन आठवड्यांचे पैसे फंडपेटीत होते.
सुरक्षा रक्षक कुठे गेले होते?
मंदिराच्या सुरक्षेसाठी दोन सुरक्षा रक्षकांची नेमणूक केली असून रविवारी रात्री ते कामावर आले नव्हते. चोरीचा शोध घेण्यासाठी श्वानपथक तसेच ठसेतज्ज्ञांना घटनास्थळी दाखल केले होते. केपे पोलिसांनी चोरीचा पंचनामा केला असून पुढील तपास सुरू आहे. गेल्या काही दिवसांत चोरट्यांनी मंदिरांतील फंडपेट्या फोडण्याचे सत्र आरंभले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
