सासष्‍टी,: वार्का येथील फार्मसीसह पाच दुकाने चाेरट्यांनी फोडून रोख रकमेसह लाखोंचा मुद्देमाल लंपास केला. मडगावातही एका मिठाईच्‍या दुकानाचे शटर उघडून रोख रक्कम व दुकानातील मिठाई चोरून नेली.
सर्व लोक गणेशोत्सवाच्या तयारीत व्यस्त असतानाच मडगावात पालिका इमारतीच्या मागील बाजूला पोलिस स्थानकापासून जवळच असलेल्‍या पंजाबी लस्सी या मिठाई दुकानाचे शटर गुरुवारी रात्री चोरट्यांनी दुकानातील पाच हजारांची रोकड तसेच मिठाई लंपास केली.
दुसरीकडे वार्का, फात्राडे परिसरातील फार्मसी व वाईन शॉप अशा पाच दुकानांना चोरट्यांनी लक्ष्य केले. दोघा चोरट्यांनी दुचाकीवरून येत शटर उघडून दुकानात प्रवेश करत चोरी केल्याचे एका सीसीटीव्ही फुटेजमध्ये दिसत आहे. अपोलो फार्मसीसह आणखी एक फार्मसीला चोरट्यांनी लक्ष्य केले. एका फार्मसीतून १ लाख २५ हजार तर अपोलो फार्मसीतून ४७ हजारांची रोख रक्कम, वाईन शॉपमधून काही साहित्याची चोरी चोरट्यांनी केली.
याप्रकरणी पुढील तपास केला जात आहे. उत्सवाच्या काळात चोरीच्या घटना घडत असल्याने पोलिसांकडून गस्तीत वाढ करावी, अशी मागणी नागरिकांकडून व दुकानदारांकडून करण्यात येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.