Tulsi Vivah 2022: तुळशी विवाहाची तयारी शिगेला; अबालवृद्धांनी कसली कंबर

आज (शनिवारी) साजऱ्या होणाऱ्या व्हडल्या दिवळीची म्हणजेच तुळशी विवाहाची तयारी जय्यत सुरु झाली आहे. घरांच्या अंगणातील तुळशी वृंदावने सजवण्यात लहानाबरोबर मोठ्यांनीही आपली कंबर कसली आहे.

(The vasco market blossomed with material for Tulsi Vivah)

वास्कोत तुळशी विवाहाच्या साहित्याने बाजार सजला आहे. तुळशी विवाहासाठी लागणाऱ्या वस्‍तूंनी वास्को बाजारपेठ गजबजली आहे. ऊस, चिरमुले, चिंच, आवळे अशा विविध वस्तू बाजारात दाखल झालेल्‍या आहेत. त्या वस्तू विकत घेण्यासाठी ग्राहकांची गर्दी होत आहे.

दिवाळीला गोव्यात खास महत्व आहे. व्हडली दिवाळी म्हणजेच देव दिवाळीला शनिवारी सुरुवात होत आहे. कार्तिक एकादशीपासून ते पौ पर्यक तुळशी विवाह लावण्याची प्रथा आहे. तुळशी विवाहाला गोव्यात खास महत्त्व आहे. अनेक घरांत उद्या शनिवारी विवाह लावले जातील. बहुतांश घरांत कार्तिक एकादशीलाच तुळशी विवाह लावण्याची प्रथा आहे.

हिंदू परंपरेनुसार तुळशी विवाह लावल्यानंतर घरातील लग्नकार्यास सुरुवात होते. दरम्यान तुळशी विवाहाची खास तयारी सुरु झाली आहे. तुळशी वृंदावनाची रंगरंगोटी, सजावट यावर भर दिला जातो. तसेच तुळशी विवाहासाठी लागणारे साहित्य बाजारात सज्ज झाले आहे. तुळशी विवाहासाठी लागणारे ऊस, चिंच, आवळा, दिंडा आदी वस्तू वास्को बाजारात मोठ्या प्रमाणात विक्रीसाठी आल्या आहेत.