Valpoi Fish Market : वाळपईच्या आठवडा बाजारात येते ‘सुक्या मासळी’ची दुर्गंधी

वाळपई : वाळपई येथील आठवडा मंगळवारच्या बाजारात सुक्या मासळीच्या दुर्गंधीमुळे ग्राहक वर्गाला त्रास सहन करावा लागतो आहे. वाळपईचा आठवडा बाजार दोन ठिकाणी भरतो. मासोर्डे मार्गावर कपडे, चप्पल विक्रेते व वाळपई मैदान मार्गावर फळे, भाजी विक्रेते यांना जागा देण्यात आलेली आहे.

पण मागील काही दिवसांपासून फळे, भाजी विक्रेत्यांच्याच जागेत मध्येच मासळी विक्रेते बसत असल्याने भाजी, फळे खरेदी करताना नागरिकांना सुक्या मासळीच्या दुर्गंधीचा त्रास होतो आहे. मंगळवारच्या बाजाराच्या दिवशी बाहेरील परप्रांतीय मासळी विक्रेते येतात व चक्क फळे, भाजी विभाग ठिकाणी बसून व्यवसाय करीत आहेत. भाजी, फळे खरेदी करताना सुक्या मासळीचा वास सोसवेना अशी स्थिती होते आहे.

पालिकेने कारवाई करावी

वाळपई नगरपालिकेने यासाठी पुढाकार घेऊन अशा बाहेरील मासळी विक्रेत्यांना दुसऱ्या मार्गावर जागा दिली पाहिजे. त्यासाठी वाळपई पालिकेने कारवाई करण्याची गरज आहे. अशा प्रकारामुळे स्थानिक मासळी विक्रेत्यांच्या व्यवसायावर परिणाम होतो आहे. बाजाराच्या दिवशी परप्रांतीय, बाहेरील विक्रेत्यांना मासळी विक्रीसाठी मुभा देणाची गरजच नाही. त्यांना येथे जागा देता नये, अशी मागणी ग्राहक करीत आहेत.