पणजी: रेबीज (Rabies) नियंत्रणात ठेवणारे गोवा (Goa) हे देशातील पहिले राज्य ठरले आहे. गेल्या तीन वर्षात गोव्यात रेबीजमुळे एकही मृत्यू झालेला नाही. 'मिशन रेबीज'चे (Rabies Mission) समन्वयक डॉ. मुरुगन अप्पूपिलाई यांनी प्रसिध्दीला दिलेल्या पत्रकात ही माहिती देण्यात आली आहे.
रेबीज नियंत्रणात गोवा देशात अव्वल राज्य ठरले आहे. जागतिक रेबीज दिनानिमीत्त काल ता.२८ सप्टेंबर रोजी रेबीज जागृती कार्यक्रम हाती घेण्यात आलेला असून या उपक्रमाचे उदघाटन कृषी व पशुसंवर्धन खात्याचे सचिव कुलदीप सिंग यांनी केले. यावेळी रेबीज जागृती वाहनांना झेंडा दाखवण्यात आला.
१७ मे २०२१ रोजी गोवा सरकारने (Goa Govt) काढलेल्या अधिसुचेननुसार गोवा रेबीज नियंत्रणात (Goa Rabies Control) देशात अव्वल ठरले असून कुत्र्यांना न मारता फक्त त्यांना लस देऊन रेबीज नियंत्रणात आणण्यात आल्याचे डॉ. अप्पुपिलाई यांनी या पत्रकात म्हटले आहे. २०१४ पासून गोव्यात १७ व्यक्ती रेबीजमुळे दगावल्या आहेत. गेल्या तीन वर्षात ही संख्या शुन्य आहे. असे सांगून लोकांनी रेबीज जागृती उपक्रमाला सहकार्य करण्याचे आवाहन डॉ. अप्पुपिलाई यांनी केले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
