राज्यातील सरपंच आणि उपसरंपच यांचे मानधन वाढवावे, अशी अनेक वर्षांची मागणी मान्यतेच्या प्रतीक्षेत आहे. पंचायत संचालनालयाने वाढीव मानधनाची फाईल अर्थ खात्याकडे पाठविली असून, त्यांच्याकडून मान्यता मिळाल्यास सरपंचांना सध्या मिळणाऱ्या 6 हजार रुपयांवरून ते वाढून 25 हजारांपर्यंत जाणार आहे, असल्याची माहिती हाती आली आहे.
राज्यात 191 पंचायती आहेत. त्यात सरपंच आणि उपसरपंच असे मिळून 382 पदे होतात. सरपंच-उपसरपंचांचे मानधन वाढल्यानंतर आपोआपच सदस्यांचेही मानधन वाढणार आहे. अनेक वर्षांपासून ही मागणी होत होती.
पंचायत संचालनालयाच्या संचालक सिद्धी हळर्णकर यांनीही नुकतीच एका कार्यक्रमात या माहितीला दुजोराही दिला आहे. उपसरपंचांना मिळणाऱ्या मानधनातही भरघोस वाढ होणार आहे. सध्या उपसरपंचास 4 हजार 500 रुपये मानधन मिळते, ते वाढून 20 हजारांवर जाणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
