मडगाव : महाराष्ट्रातील शिवसेना नेते रघुनाथ कुचिक याने बलात्कार केल्याची तक्रार केलेली पीडित 24 वर्षीय युवती मंगळवारी रात्री कोलव्यात सापडल्याने खळबळ माजली होती. या युवतीला शेवटी काल रात्री तिच्या पालकांकडे देण्यात आले.
युवती दोन दिवसांपूर्वी पुण्यातून गायब झाली होती. बुधवारी पहाटेच्या सुमारास गंधावली कोलवा येथे एका घराची बेल तिने वाजवल्यामुळे या प्रकरणाला वाचा फुटली. ज्या घराची तिने बेल वाजवली त्या घरच्या माणसांनी कोलवा पोलिसांकडे संपर्क साधल्यावर पहाटे 4 च्या सुमारास तिला ताब्यात घेण्यात आले.
कोलवा (Colva) पोलिसांनी नंतर पुणे पोलिसांकडे संपर्क साधल्यावर पुणे पोलीस काल रात्री तिच्या पालकांसह कोलव्यात हजर झाले व तिला ताब्यात घेतले अशी माहिती कोलवा पोलीस निरीक्षक मेल्सन कुलासो यांनी दिली.
त्या युवतीने पोलिसांना (police) दिलेल्या माहितीनुसार पुण्यात (pune) तिला कुणीतरी गुंगीचे औषध देऊन नंतर तिच्याकडून एका कागदावर सह्या घेतल्या. त्यानंतर आपण गोव्यात (goa) कशी पोहोचली हे आपल्याला ठाऊक नाही असे तिने सांगितले. त्यामुळे या प्रकरणात गूढ वाढले असून पुणे पोलीस त्या अनुषंगाने तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
