स्मार्टफोन वापरकर्ते सावधान, 'अन्यथा' तुमचे बँक खाते होईल रिकामे

अँड्रॉइड वापरकर्त्यांनी पुन्हा एकदा सावधगिरी बाळगणे आवश्यक आहे. अँड्रॉइड वापरकर्त्यांना नवीन ट्रोजनबद्दल सतर्क करण्यात आले आहे. ताज्या अहवालानुसार एस्कोबार हा हॅकर सक्रिय झाला आहे. एस्कोबारने आतापर्यंत 18 देशांतील लोकांना लक्ष्य केले आहे. ब्लीपिंग कॉम्प्युटर्सने याबाबत वृत्त दिले आहे. अहवालात कोणत्याही देशांची माहिती देण्यात आली नाही.

रिपोर्टनुसार, हा बँकिंग मालवेअर गुगल ऑथेंटिकेटर मल्टी-फॅक्टर ऑथेंटिकेशन कोड हॅक करू शकतो. जेव्हा एखादी व्यक्ती ईमेल किंवा ऑनलाइन (Online) बँकिंग सेवेद्वारे लॉग इन करण्याचा प्रयत्न करते तेव्हा हे कोड डिव्हाइसवर पाठवले जातात. गुगल ऑथेंटिकेटर मल्टी-फॅक्टर ऑथेंटिकेशन कोडसह, हॅकर्स वापरकर्त्यांच्या वैयक्तिक आणि आर्थिक तपशीलांमध्ये सहज प्रवेश करू शकतात.

रिपोर्टमध्ये सांगण्यात आले आहे की, मालवेअर जे काही गोळा करतो, ते C2 सर्व्हरवर अपलोड करतो. यामध्ये SMS कॉल, लॉग इन, आणि गूगल (Google) सारखे कोड वापरले जातात. बँकिंग मालवेअरद्वारे अँड्रॉइड वापरकर्त्यांना लक्ष्य करण्याची ही पहिलीच वेळ नाही. यासह अबेरेबोट अँड्रॉइड बग गेल्या वर्षी हजारो अँड्रॉइड (Android) वापरकर्त्यांना लक्ष्य करत होता.

अहवालानुसार, एस्कोबार प्रभावित उपकरणाचे संपूर्ण नियंत्रण घेते. हे टाळण्यासाठी तुम्हाला काही गोष्टींची काळजी घ्यावी लागेल. एस्कोबार वापरकर्त्यांनी गूगल प्लेय स्टोअर व्यतिरिक्त कोणत्याही अँप वरून APK फाइल्स ठेऊ नये. वापरकर्ते त्यांच्या फोनमध्ये गूगल प्लेय प्रोजेक्ट पर्याय चालू ठेवतात. वापरकर्त्यांनी वेळोवेळी अॅपच्या परवानग्या सूचीकडे लक्ष दिले पाहिजे. कोणतेही अॅप इन्स्टॉल करण्यापूर्वी फाईलचे नाव, स्त्रोत आणि त्याची माहिती व्यवस्थित वाचा किंवा समजून घ्या.