Goa Politics: दोन आठवड्यांत प्रतिज्ञापत्र न्यायालयात सादर करा; ‘त्या’ आठ आमदारांना सुप्रिम कोर्टाचा आदेश

Goa Politics: काँग्रेसमधून पक्षांतर करून भाजपमध्ये गेलेल्या आठ आमदारांच्या विरोधातील याचिकेवर सोमवारी सुप्रिम कोर्टात सुनावणी झाली. न्यायमूर्ती संजीव खन्ना आणि न्यायमूर्ती एस. व्ही. एन. भट्टी या द्विस्तरीय खंडपीठापुढे ही सुनावणी झाली.

त्यावर प्रतिवादी आमदारांना दोन आठवड्यांत प्रतिज्ञापत्र सादर करण्याचा आदेश या खंडपीठाने दिला आहे.

चोडणकर यांच्या याचिकेवर सुनावणीवेळी न्यायालयास प्रतिवादींच्या विकिलांनी प्रतिज्ञापत्र दाखल करण्यासाठी वेळ मागितली. या प्रकरणाची पुढील सुनावणी हिवाळी सुटीनंतर जानेवारी 2024 मध्ये होईल.

मागील वर्षी 2022 मध्ये विधानसभेची निवडणूक झाल्यानंतर काही महिन्यानंतच काँग्रेसचे आठ आमदार फुटून भाजपमध्ये गेले होते.

त्यात आमदार दिगंबर कामत, मायकल लोबो, डिलायला लोबो, सध्याचे मंत्री आलेक्स सिक्वेरा, राजेश फळदेसाई, केदार नाईक, रुडाल्फ फर्नांडिस आणि संकल्प आमोणकर यांचा समावेश आहे.