Goa Congress: गोवा निवडणुकीचे वारे वाहू लागताच गोव्यातील पक्षांतराचे प्रमाणही वाढले होते. या पक्षांतराचा सगळ्यात जास्त फटका कॉंग्रेस पक्षाला बसला होता. एक वेळ अशी आली होती की, गोवा कॉंग्रेसमध्ये फक्त 2 आमदार शिल्लक होते. पण नंतर पुन्हा इतर पक्षातील नेत्यांनी कॉंग्रेसला पसंती दिली आणि कॉंग्रेसमध्ये (Goa Congress) दाखल झाले. आता निवडणूक जाहीर होऊन आणि उमेदवारांच्या याद्या जाहीर होत असतानाही अनेकजण पक्षबदल करत आहेत. यासाठी काल कॉंग्रेसने एक वेगळी शक्कल लढवली आणि सर्व उमेदवारांकडून पक्षांतर न करण्याचे वचन घेण्यात आले.
काँग्रेसच्या सर्व उमेदवारांनी निवडणुकीनंतर (Goa Assembly Elections 2022) पक्षांतर करणार नसल्याची शपथ देवी महालक्ष्मी आणि बांबोळी येथील क्रॉससमोर घेतली. निवडणूक झाल्यानंतरही आपण पक्षाशी एकनिष्ठ राहणार असल्याचे यावेळी सगळ्यांनी वचन दिले आहे. कारण या एकंदरीत परिस्थितीचा कॉंग्रेसच्या पक्षश्रेष्ठींवर प्रचंड ताण आला होता.
याचसंदर्भात गोवा कॉंग्रेस प्रभारी पी. चिदंबरम (P Chidambaram) यांनी आपले मत स्पष्ट केले आहे. ते म्हणाले, 'गोव्याच्या भूतकाळाच्या इतिहासात जर पहिले तर गोव्यात इतर राज्यांच्या तुलनेत सर्वाधिक पक्षांतर झाले आहे. निवडणूक तोंडावर असतानाही राजकीय नेते पक्षबदल करत आहेत. त्यामुळे काल घेतलेली शपथ आवश्यक होती. आम्हाला आशा आहे की गोव्यातील लोक काँग्रेसवर विश्वास ठेवतील आणि आमचे सरकार निवडून देतील.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
