Accident News: बांबोळी उतरणीवरील वळण मृत्यूचा सापळा !

Bambolim Accident News: बांबोळी येथून पणजीच्या दिशेने येताना महामार्गावरील सांताक्रुझ उतरणीवरील वळण हे धोकादायक बनले आहे.

या उतरणीवर काही दिवसांपूर्वी मालवाहू अवजड वाहन चालकाचे नियंत्रण जाऊन संरक्षण कठडा मोडून उलटण्याच्या घटना घडल्या.

वारंवार असे प्रकार घडत असूनही या वळणाबाबत राष्ट्रीय महामार्ग प्राधिकरण तसेच सरकारी यंत्रणेने अजून कोणतीच पावले उचललेली नाहीत.

काही हलकी वाहनेही संरक्षक कठड्याला धडक ण्याचे प्रकार घडले. त्यामुळे हे वळण धोकादायक बनले आहे.

मडगावहून पणजीला येणारी अवजड वाहने झुआरी पुलावरून वळवण्यात येत असल्याने ही वाहने ही बांबोळी येथील राष्ट्रीय महामार्गावरून येतात.

उड्डाण पुलानंतर पणजीकडे येताना सांताक्रुझ येथे उतरण लागते. तिथे फलक नसल्याने चालकाची तारांबळ उडते. येथे दोन महिन्यात दोन कंटेनर उलटले.

1940 अपघात; 197 जणांचा मृत्यू

यावर्षी १,९४० अपघात झाले. यांतील अपघात १८० भीषण होते. त्यांत १९७ जणांनी जीव गमावले. सरासरी दर ३० तासांत एकाचा अपघाती मृत्यू, दिवसाला ८ अपघात होतात. २०२३ मध्ये २०२२ च्या तुलनेत ६५ (३.२४ टक्के) अपघात कमी झाले. अपघाती मृत्यूंत ३७ (२३.१२ टक्के) मृत्यू जास्त झाले. राज्यात यावर्षी १६७ गंभीर अपघातांत २५६ जणांना गंभीर दुखापत झाली. ३४२ अपघातांत ५४६ जणांना किरकोळ दुखापत झाली. १,२५१ अपघातांत वाहनांचे नुकसान झाले. गेल्या वर्षी याच काळात राज्यात २,००५ अपघात झाले. त्यांतील १४८ अपघातांत १६० जणांचा मृत्यू झाला.