Shivani Case: शिवानी राजवत आणि तिची आई जयदेवी चौहान यांच्‍या दुहेरी जळीत मृत्‍यूप्रकरणी मुरगावचे उपजिल्हाधिकारी भगवंत करमली यांनी हाती घेतलेली चौकशी जवळजवळ पूर्ण होत आली आहे. येत्या सोमवारपर्यंत ते आपला अहवाल सादर करण्याची शक्यता वर्तवली जात आहे.
दि. 18 नोव्हेंबर रोजी वास्कोतील राहत्‍या फ्लॅटमध्ये गॅसगळती होऊन झालेल्‍या स्फोटात शिवानी आणि जयदेवी यांचा मृत्यू झाला होता. येत्या सोमवारी त्यास एक महिना पूर्ण होणार आहे. अशा प्रकरणांत उपजिल्हाधिकारी जी चौकशी करतात, ती एका महिन्यात पूर्ण करणे कायद्याने बंधनकारक आहे.
शिवानीचा भाऊ शुभमसिंह याने या प्रकरणी वास्‍को पोलिसांत रितसर तक्रार दाखल केल्‍यानंतर चौकशीला वेग आला आहे. आपली बहीण आणि आईचा नौदलात अधिकारी म्हणून काम करणारा आपला भावोजी अनुराग याने सुनियोजित कट रचून खून केल्याचा आरोप त्याने केला आहे. आपल्या बहिणीचा
सासरच्या लोकांकडून हुंड्यासाठी छळ केला जात होता असेही त्याने तक्रारीत म्हटले आहे. दरम्‍यान, यापूर्वी पोलिसांनी शिवानीचा पती अनुराग, सासू साधनासिंह राजवत आणि नवऱ्याचा मावसा रामवरणसिंह यांच्‍या जबान्या घेतल्‍या आहेत.
उपजिल्हाधिकारी भगवंत करमली यांनी आज बुधवारी राजवत यांच्‍या शेजाऱ्यांची जबानी नोंद करून घेतली. ज्या फ्लॅटमध्ये ही दुर्घटना घडली होती, त्या फ्लॅटचे मालक प्रेमानंद शेट यांची काल जबानी घेतली होती. या फ्लॅटमध्ये राहायला आल्‍यानंतर शिवानी आणि तिचा पती अनुराग राजवत यांच्यात नेहमीच खटके उडायचे असे सांगण्यात येत आहे. उपजिल्हाधिकारी करमली हे त्‍याबाबत खात्री करून घेत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
