Goa Theft News: आपल्‍या पुतणीनेच सुमारे 12 लाख रुपयांचे दागिने चोरल्‍याचा आरोप काकीने केला आहे. तसेच पोलिसांत तक्रार केल्यास काकाला जीवे मारण्याची धमकी दिल्‍याचेही काकी निकिता म्हामल यांनी तक्रारीत म्हटले आहे.
दरम्‍यान, पोलिसांनी तक्रारीची दखल घेऊन संशयित विशाखा म्हामल (25, मालवारा-आगशी) हिला अटक केली. त्‍यानंतर तिला न्यायालयात उभे केले असता तीन दिवसांची पोलिस कोठडी ठोठावण्‍यात आली.
सदर घटना काल मंगळवारी उघडकीस आली, जेव्हा निकिता म्हामल यांनी आगशी पोलिसांत आपले दागिने चोरी झाल्याची तक्रार केली. तसेच आपली पुतणी विशाखा म्हामल हिच्‍यावर संशय असून तिने पोलिसांत तक्रार केल्यास जीवे
मारण्याची धमकी दिल्याचे तक्रारीत म्हटले आहे.
तक्रारीची दखल घेऊन पोलिसांनी भारतीय दंड संहितेच्‍या ३८० आणि ५०६ (२) कलमांखाली विशाखाला अटक करून प्रथमवर्ग न्यायदंडाधिकारी न्यायालयात हजर केले. न्यायलयाने तिला तीन दिवसांची पोलिस कोठडी दिली आहे. चोरीस गेलेले दागिने अजूनही मिळालेले नाहीत. पुढील तपास पोलिस उपनिरीक्षक पराग पारेख करत आहेत.
आगशीतील घटना : संशयित अटकेत
म्हामल कुटुंब मालवारा-आगशी येथे एक मजली घरात राहते. तळमजल्यावर निकिता राहतात तर वरच्या मजल्यावर विशाखा राहते. चोरी झाल्याचे कळताच निकिता यांनी विशाखाला विचारले. त्‍यावेळी तिने पोलिसांत गेल्‍यास जीवे मारण्याची धमकी दिली, असे निकिता यांनी तक्रारीत नमूद करण्‍यात आले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
