Calangute Illeagal Massage Parlor: कळंगुट येथील नाईकवाडा येथे बेकायदा कार्यरत असलेले मसाज पार्लर्स कायमस्वरूपी बंद करण्यासाठी आज, सोमवारी ग्रामस्थ आक्रमक झाले. ग्रामस्थांच्या या आंदोलनानंतर पंचायत मंडळाने बेकायदा मसाज पार्लरला टाळे ठोकले.
कळंगुट परिसरात अनेक बेकायदा मसाज पार्लर सुरू असल्याचे स्थानिकांचे म्हणणे आहे. त्या विरोधात कारवाई करावी, यासाठी वारंवार विनंत्या करण्यात आल्या आहेत. तथापि, या पार्लरशी असलेल्या आर्थिक हितसंबंधांतून त्यांच्यावर अद्याप कारवाई करण्यात आलेली नाही. अशा मसाज पार्लरच्या आडून अवैध धंदे केले जात असल्याचा आरोप स्थानिकांनी केला आहे.
सोमवारी, 17 जुलै रोजी अनेक ग्रामस्थ, महिला बेकायदा मसाज पार्लरवर कारवाई करावी, यासाठी पंचायत कार्यालयासमोर जमले. त्यांनी तिथे घोषणाबाजी करत हे बेकायदा पार्लर तत्काळ बंद करण्याची मागणी केली.
कारवाई न केल्यास आंदोलन तीव्र आंदोलन करणार असल्याचे ग्रामस्थ, महिलांनी म्हटले होते. या आंदोलनाची दखल घेत कळंगुट पंचायत मंडळानेही त्वरीत कारवाई करत बेकायदा मसाज पार्लरना टाळे ठोकले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
