मुरगाव सडा येथील विद्याधर रामा नागवेकर यांच्या घराला मध्यरात्री शॉर्टसर्किटमुळे आग लागून लाखो रुपयांचे नुकसान झाले. मात्र आगीत कोणतीही मोठी दुर्घटना झाली नाही. अग्निशमन दलाने घटनास्थळी येऊन आगीवर नियंत्रण आणले.
मंगळवारी रात्री विजेच्या कडकडटासह गोव्यात पाऊस (Rainfall) पडला. यामुळे संपूर्ण मुरगाव तालुक्यात अनेक वेळा विजेची समस्या निर्माण झाली होती. मंगळवार (दि.5) मध्यरात्री दोन वाजता मुरगाव (Mormugao) सडा परिसरातील रहिवासी विद्याधर रामा नागवेकर यांच्या घरात वीजेमुळे शॉर्टसर्किट होऊन संपूर्ण घराला आग लागली.
यामुळे नागवेकर कुटुंबियांचे लाखो रुपयांचे नुकसान झाले. घराला आग लागताच आजूबाजूच्या शेजाऱ्यांनी येऊन आग विझविण्याचा प्रयत्न केला. नंतर अग्निशमन दलाला पाचारण करुन आगीवर नियंत्रण आणले.
दरम्यान शॉर्टसर्किटमुळे आग लागलेल्या विद्याधर नागवेकर यांच्या निवासस्थानी मुरगावचे आमदार संकल्प आमोणकर, नगरसेविका श्रद्धा आमोणकर यांनी येऊन पाहणी केली. तसेच नागवेकर कुटुंबियांना सरकारमार्फत नुकसान झालेल्या घराला आर्थिक सहकार्य करणार असे आश्वासनही आमोणकर यांनी दिले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
