निधी अभावी विकासकामे रखडल्याचे चित्र सर्वच क्षेत्रात दिसतं. जनतेच्या हिताची विकासकामे अपुऱ्या निधी अभावी रखडली तर जनतेच्या तीव्र प्रतिक्रिया उमटतात. सध्या थिवी येथील एक प्रकल्प असाच निधीअभावी रखडला असून त्या ठिकाणी बेकायदेशीर कामांना ऊत आला आहे. साहजिकच येथील ग्रामस्थांमधून याबाबत नाराजी व्यक्त होताना दिसत आहे.
थिवि येथील जिमखाना क्रीडा संकुल हा प्रकल्प सन 1983 पासून निधी अभावी रखडलाय. थिवी पंचायत समितीच्या कक्षेत येणारा जिमखाना क्रीडा संकुल प्रकल्प 1983 पासून अपूर्ण आहे. निधीच्या कमतरतेमुळे हा प्रकल्प अपूर्ण राहिलाय. दुर्लक्षित राहिलेली ही इमारत सध्या बेकायदेशीर कामांसाठी हॉटस्पॉट ठरत आहे. थिवीमधील ग्रामस्थ आणि येथील क्रीडाप्रेमींनी या पडक्या संकुलाबद्दल चिंता व्यक्त केली आहे.
दरम्यान, या क्रीडा संकुलाच्या जीर्णोद्धाराचे काम शासनाने पूर्णत्वास नेण्यासाठी हे संकुल पंचायतीच्या ताब्यात द्यावे, असे आवाहन अध्यक्ष, आमदार व मंत्री निळकंठ हळणकर व थिविचे सरपंच यांनी जिमखाना समितीकडे केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
