Goa Omicron Update: गोव्यातील पहिला 'ओमिक्रॉन' रुग्ण डिस्चार्ज...

Goa Omicron Update: ओमिक्रॉन ह्या कोरोनाच्या नव्या प्रकारामुळे संगळ्यांवरच संक्रमणाची टांगती तलवार होती. यातच गेल्या काही दिवसांमध्ये गोव्यात ओमिक्रॉनचा (Omicron Variant) पहिला रुग्ण आढळला होता. पण आता हा रुग्ण बरा झाला असल्याची माहिती समोर येत आहे.

ब्रिटनमधून 17 डिसेंबर रोजी गोव्यात (Omicron Case In Goa) दाखल झालेल्या 8 वर्षीय मुलाचे नमुने पुण्यातील प्रयोगशाळेत तपासणीसाठी पाठवण्यात आले होते. 27 डिसेंबर रोजी त्याचा अहवाल पॉझिटिव्ह (Omicron Positive) आला होता. त्यामुळे गोव्यात संक्रमण वाढणार की काय अशी भीती गोव्यातील नागरिकांना वाटत होती. पण आता हा रुग्ण बरा झाल्याने सगळ्यांसाठी एक आशेचा किरण निर्माण झाला आहे.

हा रुग्ण ओमिक्रॉन बाधित आढळल्यावर 14 दिवस क्वारंटाईन होता. पण जेव्हा त्याची पुन्हा कोरोना चाचणी (Corona Test) केली असता, तो निगेटिव्ह (Negative) आढळून आला. त्यामुळे आता त्याला डिस्चार्ज (Discharge) देण्यात आला आहे.