Temperature Rise in Goa: राज्यात 13 आणि 14 मार्च 2022 रोजी तापमानात 3 ते 4 डिग्री सेल्सिअसने वाढ होणार आहे. पूर्वेकडील वारे तीव्र झाल्यामुळे; उत्तर आणि दक्षिण गोव्यातील कमाल तापमान सामान्य तापमानापेक्षा 3-4°C जास्त असण्याची शक्यता आहे. असा अंदाज हवामान खात्याने दर्शविला आहे. तसेच अशीच स्थिती आणखी 24 तास राहण्याची शक्यता देखील वर्तवण्यात आली आहे.
गोव्यात (Goa) गेल्या काही दिवसांपासून उन्हाच्या झळा जाणवू लागल्या आहेत. यातच वेधशाळेने काही दिवसांपूर्वी वर्तवलेल्या अंदाजानुसार राज्यातील काही भागात पावसाने हजेरी लावली होती. गोव्यात केरी-सत्तरी भागात जवळजवळ अर्धा तास पाऊस पडला होता.
पुढील काही दिवसात हवामानात बदल होणार असून IMDने याबद्दलची माहिती दिली आहे. उत्तर आणि दक्षिण गोव्यात पुढील 3 दिवसात कमाल तापमानात (Temperature) सुमारे 2 अंश सेल्सिअसने वाढ होण्याची शक्यता आहे. मुळातच सध्या उकाडा जास्त आहे त्यात पुनः या तापमान वाढीमुळे गोवेकर हैराण होण्याची शक्यता आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
