Temperature Rise in Goa: गोव्यात गेल्या काही दिवसांपासून उन्हाच्या झळा जाणवू लागल्या आहेत. यातच वेधशाळेने काही दिवसांपूर्वी वर्तवलेल्या अंदाजानुसार राज्यातील काही भागात पावसाने हजेरी लावली होती. गोव्यात केरी-सत्तरी भागात जवळजवळ अर्धा तास पाऊस पडला होता.
पुढील काही दिवसात हवामानात बदल होणार असून IMDने याबद्दलची माहिती दिली आहे. उत्तर आणि दक्षिण गोव्यात पुढील 3 दिवसात कमाल तापमानात (Temperature) सुमारे 2 अंश सेल्सिअसने वाढ होण्याची शक्यता आहे. मुळातच सध्या उकाडा जास्त आहे त्यात पुनः या तापमान वाढीमुळे गोवेकर हैराण होण्याची शक्यता आहे.
11 मार्चला उत्तर आणि दक्षिण गोव्यात एक किंवा दोन ठिकाणी विजांचा कडकडाट आणि 40 किमी ताशी वारे वाहण्याची शक्यता हवामान खात्यातर्फे वर्तवण्यात आली आहे. आणखी 2 दिवस मेघगर्जनेसह हलका पाऊस सुरू राहणार आहे.
हवामानातील या बदलामुळे राज्यात बाहेर पडणे लोक टाळत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.