Tillari Dam: तिळारी धरणाच्या कालव्याच्या दुरुस्तीचे काम पूर्ण झाल्याने गोव्याला आजपासून (शनिवार) पाणी पुरवठा सुरु होणे अपेक्षित होते. मात्र, धरणाच्या गेटजवळ तांत्रिक अडचण निर्माण झाल्याची माहिती समोर आलीय.
कालव्यात पाणी सोडण्यासाठी विलंब होत आहे. त्यामुळे तिळारीतून पाण्यासाठी गोव्याला अजून एक दिवस वाट पाहावी लागणार आहे.
तिळारी धरणाचे पाणी शनिवारपासून (ता.23) मिळणे सुरू होणार असल्याची माहिती जलसंपदामंत्री सुभाष शिरोडकर यांनी दिली होती. कालव्यांची दुरुस्ती झाली असून आपण कामाची पाहणी केली आहे. शनिवारी सकाळी तिळारी धरणातील पाणी कालव्यातून गोव्यासाठी सोडले जाईल, असे त्यांनी सांगितले होते.
मात्र, गेटजवळ झालेल्या तांत्रिक अडचणीमुळे कालव्यात पाणी सोडण्यासाठी विलंब होत आहे.
तिळारी धरणाचे पाणीच उत्तर गोव्याची तहान भागवते. धरण झाल्यापासून उत्तर गोव्याला पाण्याची टंचाई जाणवलेली नाही. धरणाचे कालवे 35 वर्षे जुने झाल्याने त्यांची देखभाल आणि दुरुस्ती करणे आवश्यक होते. त्यामुळे 27 नोव्हेंबरला तिळारीतून येणारे पाणी बंद करून कालव्याची दुरुस्ती हाती घेण्यात आली, ती पूर्ण झाली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.