पणजी : गोव्यातील (Goa ) टॅक्सीना (Taxis) आता डिजीटल मीटर (Digital Meter) बसवण्याशिवाय पर्याय राहिलेला नाही. राज्यभरात किती टॅक्सींना असे डिजिटल मीटर बसवले त्‍याचा अहवाल येत्या 17 सप्टेंबरपर्यंत द्यावा, असा आदेश मुंबई उच्च न्यायालयाच्या (Mumbai High Court) गोवा खंडपीठाने आज (गुरुवारी) वाहतूक संचालकांना (Director of Transportation) दिला. (Taxis in Goa are required to be fitted with digital meters)
आजवर केवळ 96 टॅक्सींना डिजिटल मीटर बसवण्यात आले आहेत. टॅक्सींना डिजीटल मीटर्स बसविलेले नसतील त्यांच्या परवान्याचे नूतनीकरण 20 मे 2021 पासून करणे बंद करण्यात आले आहे. ज्यांच्या परवान्याची मुदत 20 मे पूर्वी संपणार असेल त्यांना डिजिटल मीटर्स बसविण्यासंदर्भात वेळापत्रकात नमूद केलेल्या दिवसांपूर्वी मीटर्स बसविण्याची मुभा देण्यात आली आहे. डिजीटल मीटर्स बसविण्यासाठी दिलेल्या वेळापत्रकानुसार ते बसविले नाहीत त्यांचा परवाना आपोआपच रद्द होईल, असे स्पष्ट केले आहे. त्यामुळे 1 नोव्हेंबरपासून राज्यातील सर्व टॅक्सींना डिजिटल मीटर्स बसविलेले असतील असे सरकारचे म्हणणे आहे.
ज्या टॅक्सीचा शेवटचा क्रमांक 0 किंवा 1 असेल त्यांनी1 जुलै ते 24 जुलै या काळात मीटर्स बसवावेत व ते न बसविल्यास 25 जुलैपासून परवाना आपोआपच रद्द होणार आहे. त्याचप्रमाणे २ किंवा 3 क्रमांकासाठी 26 जुलै ते 18 ऑगस्टपर्यंत मुदत व मीटर्स न बसविल्यास 19 ऑगस्टनंतर परवाना रद्द, क्रमांक 4 किंवा 5 साठी 19 ऑगस्ट ते 11सप्टेंबर मुदत व मीटर्स न बसविल्यास 12 सप्टेंबरला परवाना रद्द, क्रमांक 6 किंवा 7 साठी 13 सप्टेंबर ते 6 ऑक्टोबरपर्यंत मुदत व मीटर्स न बसविल्यास 7 ऑक्टोबरला परवाना रद्द, क्रमांक 8 किंवा 9 साठी 7 ऑक्टोबर ते 30 ऑक्टोबरपर्यंत मुदत व मीटर्स न बसविल्यास 1 नोव्हेंबरला आपोआपच परवाना रद्द होईल.
उच्च न्यायालयाच्या गोवा खंडपीठाने राज्यातील टॅक्सींना डिजीटल मीटर्स बसविण्यासंदर्भात 7 मे रोजी दिलेल्या आदेशात सरकारला आणखी एक संधी देण्यात येत आहे, असे नमूद करून ही प्रक्रिया येत्या 15 दिवसांत सुरू करा असे निर्देश दिले होते. ही मुदत येत्या 22 मे रोजी संपली आहे त्यापूर्वीच वाहतूक खात्याने 20 मे पासून डिजिटल मीटर्स असलेल्या टॅक्सींच्या परवान्याचे नूतनीकरण केले जाईल, असे स्पष्ट केले होते.
डिजिटल मीटर्ससोबत काय असेल
मीटर्ससह ऑटोमोटिव्ह ट्रॅकिंग यंत्र (एटीएम), पॅनिक बटन (इमर्जन्सी सिस्टीम) व प्रिंटर्स तसेच एक वर्षाची मोफत दुरुस्ती, एक वर्षाचा डेटा तसेच ऑनलाईन मॉनिटरींग शुल्क ज्यामध्ये जीएसटीचा समावेश आहे. एकूण खर्च सुमारे 11 व हजार 234 रुपये आहे. डिजीटल मीटर्स बसविल्यानंतर टॅक्सी मालकाने जवळच्या वजन मापे कार्यालयाशी जाऊन हे मीटर्स प्रमाणित घेणे सक्तीचे आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
