मडगाव : मडगाव पालिकेने तयार केलेल्या अंदाजपत्रकाच्या नोंदी संगणक प्रणालीत अपडेट न केल्याने आज मडगाव पालिकेत कर भरण्यासाठी आलेल्या नागरिकांचा पूर्ण दिवस खोळंबा झाला. ऑनलाइन कर भरण्याची प्रकिया त्यासाठी सुरू करता न आल्याने सकाळपासून कर भरण्यास आलेल्या नागरिकांना दुपारपर्यंत ताटकळत थांबावे लागले.
मडगाव (Madgaon) पालिकेचे मुख्याधिकारी आग्नेल फर्नांडिस यांना यासंबंधी विचारले असता दुपारी अडीचनंतर ही सेवा सुरू झाली, असे त्यांनी स्पष्ट केलं आहे. अंदाजपत्रकाच्या नोंदी अपडेट करण्यासाठी एक पूर्ण सत्र लागत असल्याने सकाळी ही सेवा सुरु करता आली नाही, असंही त्यांनी सांगितले. मात्र अशी परिस्थिती असल्यास पालिकेने लोकांना ही गोष्ट आधीच का कळविली नाही, असा सवाल संतप्त नागरिकांनी (Citizens) केला आहे.
मडगाव पालिकेबाहेर हा कर भरण्यासाठी काहीजण सकाळी 6 वाजल्यापासून रांगेत होते. अशा नागरिकांनी पालिकेच्या हलगर्जीपणा बद्दल तीव्र नापसंती व्यक्त केली आहे. संगणकावर (Computer) नोंद होत नसेल लोकांकडून पैसे वसूल करुन नंतर त्या नोंदी अपलोड करता आल्या नसत्या का असा प्रश्न लोकांनी उपस्थित केला. मात्र तशी व्यवस्था नसल्याचं स्पष्टीकरण देत पालिकेचे सहाय्यक लेखाधिकारी अभय राणे यांनी आपली असमर्थता व्यक्त केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
