अलिकडे वाढते प्रदुषण आणि इंधनाचे वाढते भाव यामुळे नागरिकांचा कल ईलेक्ट्रीक वाहने घेण्याकडे वाढला आहे. दुचाकीपासून चारचाकीपर्यंत अनेक लोक ईलेक्ट्रीक वाहने घेण्यास पसंती देत आहेत. ईलेक्ट्रीक वाहनांचा वाढता वापर लक्षात घेता, टाटा गोव्यात येणाऱ्या प्रमुख मार्गांवर 100 चार्जिंग स्टेशन्स उभारणार आहे.
टाटा पॉवरच्या माध्यमातून या चार्जिंग स्टेशनची उभारणी केली जाणार आहे. टाटाचे यापूर्वी राज्यात 50 चार्जिंग पॉईंट आहेत. त्यात आणखी 100 चार्जिंग स्टेशन्सची वाढ केली जाणार आहे. याचा फायदा गोवेकरांसह राज्यात मोठ्या प्रमाणावर येणाऱ्या पर्यटकांना देखील होणार आहे.
टाटा राज्य सरकारसोबत याबाबत सकारात्मक पद्धतीने काम करत असल्याचे कंपनीने म्हटले आहे. गोव्याला जोडणाऱ्या प्रमुख राष्ट्रीय मार्गावर ही चार्जिंग स्टेशन्स असतील.
गोव्यातून मुंबई, पुणे आणि कारवार या मर्गावर चार्जिंग स्टेशन्स असतील अशी माहिती समोर आली आहे. राज्य सरकारच्या वतीने निर्देशित केलेल्या 50 ठिकाणी सुरूवातीला चार्जिंग स्टेशन्स उभारली जातील. जागा निश्चिती करण्यासाठी राज्य सरकारने राज्य उर्जा विकास संस्था स्थापन केली आहे. चार्जिंग स्टेशन्सच्या उभारणीसाठी राज्य सरकारच्या वीज खात्याशी देखील चर्चा सुरू आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.