मांद्रे पंचायत क्षेत्रातील जुनस वाडा आम्रपाली प्रकल्प परिसरात मोठ्या प्रमाणात बेकायदेशीर डोंगर कापणी आणि झाडांची कत्तल केली जात आहे. त्यावर नगर आणि नियोजन खात्याने तातडीने लक्ष घालून डोंगर कापणी करणाऱ्या वर कडक कारवाई करावी, अशी मागणी स्वराज्य संस्था मांद्रे 28 रोजी घेतलेल्या पत्रकार परिषदेत केली.
यावेळी संस्थेचे निमंत्रक ॲड. प्रसाद शहापूरकर, कार्यकारी अध्यक्ष जगन्नाथ पार्सेकर, सदस्य शंकर गोवेकर ,सदस्य तुषार गोवेकर व आग्नेल फर्नांडिस उपस्थित होते.
शंकर गोवेकर यांनी सांगितले की, डोंगर कापणी आणि व्हीला उभारणी भविष्यात जूनसवाडासाठी धोकादायक ठरू शकते. डोंगर माळरानावरून येणारे पाणी थेट लोकवस्तीत घुसून हाःहाकार माजेल,अशी भीतीही त्यांनी व्यक्त केली.
जुनस वाडा मांद्रे या ठिकाणी ज्या पद्धतीने डोंगर कापणी चालू आहे, पंचायतीने त्याचा पंचनामा केलेला आहे. ‘टीसीपी’ने परवाने दिले, त्याहीपेक्षा जास्त डोंगर कापणी झालेली आहे. या संदर्भात आम्ही तक्रारदार म्हणून मांद्रे पंचायत क्षेत्रातील डोंगर कापणीची चौकशी आणि पूर्ण माहिती टीसीपी विभागात जाऊन मिळवणार आहे - ॲड.प्रसाद शहापूरकर, निमंत्रक स्वराज्य संस्था
सरपंच अमित सावंत हे ॲक्टिव्ह आहेत. आणि त्यांच्याकडून मांद्रेवासीयांच्या मोठ्या अपेक्षा आहेत. प्रकल्पामुळे ग्रामस्थांना त्रास होणार नाही. यावर अगोदर पंचायतीने विचार करावा. एखाद्या प्रकल्पाला परवाना देताना जनतेच्या प्रश्नांची उत्तरे आणि त्यांचे समाधान करण्यासाठी काम करावे.
-जगन्नाथ पार्सेकर, स्वराज्य संस्था
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.