शेल्डे, कुडचडे येथे दोन अपघात झाले असून, या अपघातात एका युवकाचा मृत्यू झाला आहे. तर, एक युवक जखमी झाला आहे. पहाटेच्या सुमारास एक दुचाकी चालकालचा स्वयं अपघात झाला. तर, दुसरा अपघात दुचाकी आणि ट्रकमध्ये झाला यात दुचाकी चालक जखमी झाला आहे.
(One Died in two different bike accidents reported at Xeldem, Curchorem)
पहिली घटना शेल्डे येथे केपे - कुडचडे मार्गावर घडली. दुचाकी चालकाचा स्वयं अपघात झाला, पहाटे 6.10 वाजता ही घटना घडली. या घटनेत वसिम खान (वय २३, रा. मुस्लिम वाडा) या युवकाचा मृत्यू झाला. दरम्यान, हा अपघात कसा झाला याबाबत अधिक माहिती समोर आलेली नाही.
दुसरा अपघात देखील शेल्डे येथेच केपे - कुडचडे मार्गावर झाला. दुचाकी आणि ट्रकमध्ये झालेल्या या अपघातात दुचाकी चालक जखमी झाला आहे. दुचाकी चालकाचे नाव समजू शकले नाही. अपघातानंतर दुचाकी चालक सुखरूप बाहेर पडला. जखमी दुचाकी चालकाला उपचारासाठी रूग्णालयात दाखल करण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.