गुंगीचे औषध पाजत फोगाट यांचा स्वीय सहायकानेच केला घात

Sonali Phogat murder case: मागील तीन ते चार दिवस सोनाली फोगाटच्या हत्याप्रकरणाने गोव्यातील वातावरण चांगलच तंग झाले आहे. सोनालीच्या नातेवाईकांनी केलेले आरोप. राजकिय आरोप - प्रत्यारोप यामुळे या प्रकरणाकडे गोव्यासह संपुर्ण देशाचे लक्ष लागले होते. या प्रकरणात आता आणखी एक खुलासा बाहेर आला आहे.

(Sukhwinder Singh & Sudhir Sangwan confessed Sonali Phogats murder )

सोनाली फोगटच्या हत्येप्रकरणी हणजूण पोलिसांनी खुलासा करताना म्हटले आहे की, फोगट यांचा स्वीय सहायक सुधीर सांगवान आणि सुखविंदर सिंग पाल यांना आता या प्रकरणात अटक करण्यात आली आहे. संशयित आरोपीने हणजूण येथील रेस्टॉरंटमधील पिण्याच्या पाण्यात विषारी पदार्थ मिसळल्याची कबुली दिली आहे. यातच फोगट यांना अस्वस्थ वाटू लागले व यातच त्यांचा मृत्यू झाला आहे. अशी माहिती पोलिसांनी दिली आहे.

आरोपीने हे कृत्य का केले याबाबत खुलासा करताना संशयित आरोपींनी सोनाली फोगटची मालमत्ता, आर्थिक संपत्ती हडपणे तसेच तिची राजकीय कारकीर्द संपवण्याच्या उद्देशाने दोघांनी तिची हत्या केली असल्याची माहिती यावेळी पोलीसांनी दिली आहे.

याबाबत बोलताना हणजूण पोलिसांनी सांगतले की, फोगट ह्या अस्वस्थ असताना ज्या वाहनातून रुग्णालयात घेऊन गेले त्या वाहन चालकांची चौकशी केली जाणार आहे. तसेच काही लोक मुंबईवरुन यांच्याकडे येणार होती याची ही माहिती समोर आली आहे. त्यांची ही कसून चौकशी केली जाणार अशी माहिती यावेळी पोलीसांनी दिली आहे.