Valpoi Accident: अचानक बैल आडवा आला, अन कार झाली पलटी; वाळपईत अपघात

Valpoi Accident: वाळपई ठाणे मार्गावर बैल आडवा आल्याने एका कारचा अपघात झाला आहे. मुख्य रस्त्यावर अचानक बैल आडवा आल्याने ही कारच्या ड्रायव्हरला कारवर नियंत्रण राखणे जमले नाही. त्याने गाडी वळवली त्यामुळे रस्त्याशेजारील झाडाला कारची जोरदार धडक बसली आणि कार रस्त्यावर पलटी झाली.

सुदैवाने या अपघातात कारचालक सुखरूप आहे. तथापि, कारचे मोठे नुकसान झाले आहे. यावेळी समोरून कोणतेही वाहन येत नव्हते, नाहीतर मोठा अपघात झाला असता.

पाली सत्तरी येथील सतीश गावकर हा वाळपईहून पालीमार्गे चालला होता. तेव्हा वेळुस येथे अब्बास शेख यांच्या घराजवळ असलेल्या वळणावर हा अपघात झाला.

हा रस्ता अरूंद आहे. त्यामुळे वळणावर दुसऱ्या बाजूने येणारी वाहने दिसत नाहीत. शिवाय सध्या सत्तरी तालुक्यात मुसळधार पाऊस होत आहे. त्यामुळेही अपघाताला निमंत्रण मिळू शकते. त्या पार्श्वभुमीवर गाडी सावकाश चालविण्याचे आवाहन केले जात आहे.