मोपा: गोव्यातील मनोहर आंतराष्ट्रीय विमानतळावर आज (दि. २७ ऑक्टोबर) एक धक्कादायक घटना घडली. शारजाहून कोचीनला निघालेल्या एअर अरेबियाच्या विमानात एका ८४ वर्षीय व्यक्तीचा अचानक मृत्यू झाल्याने सर्वत्र चिंताजनक वातावरण तयार झाले होते.
परिस्थितीचे गांभीर्य लक्षात घेऊन वैमानिकांनी त्वरित आरोग्यसंबंधित आणीबाणी घोषित केली. ८४ वर्षीय या व्यक्तीची तपासणी करण्यासाठी विमान उत्तर गोव्यातील मनोहर आंतराष्ट्रीय विमानतळावर वळवण्यात आले.
केरळमधील कोट्टायम येथील रहिवासी असलेल्या या व्यक्तीवर नुकतीच हृदय शस्त्रक्रिया करण्यात आली होती आणि वयोमानासंबंधित मृत्यूचे करण जाहीर करून गोवा पोलिसांनी व्यक्ती मृत असल्याची घोषणा केली. जोसेफ उलाहन्नन नावाच्या या प्रवाशाने विमानात प्रवास करीत असताना शारीरिक अस्वस्थतेची तक्रार केली आणि वेळ न दवडता एअर अरेबियाच्या फ्लाइटच्या क्रूने हे विमान गोव्याला वळवण्याचा निर्णय घेतला होता.
वैद्यकीय कर्मचाऱ्यांच्या मदतीने केरळमधील या प्रवाशाचा मृत्यू नैसर्गिक असल्याची पुष्टी झाल्यानंतर अधिकाऱ्यांनी मृतदेह कुटुंबीयांच्या स्वाधीन केला आणि त्यांनतर विमानेने आपल्या गंतव्यस्थानाकडे उड्डाण केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.