युक्रेनमधून परतलेले गोमंतकीय विद्यार्थी मानसिक धक्क्यात, समुपदेशनाची गरज

पणजी: युद्धग्रस्त युक्रेनमधून गोमंतकीय विद्यार्थी सुखरूप मायदेशी परतले असले तरी तेथील युद्धाच्या आणि संघर्षाच्या आठवणी आणि वाईट अनुभव त्यांच्या प्रकृतीवर परिणाम करू शकतात, असे आरोग्य तज्ज्ञांच मत आहे.

आरोग्य तज्ज्ञ नेहमी पालक आणि मुलांना पोस्ट-ट्रॉमॅटिक स्ट्रेस डिसऑर्डर (PTSD) बद्दल जागरूक राहण्यास सांगतात. मुलाच्या वागणुकीत फरक जानवल्यास तातडीने मानसशास्त्रज्ञांची मदत घेण्याचा सल्ला देखील ते देतात.

मानसिक आरोग्य केंद्र संगतने युक्रेनमधून परत आलेल्या विद्यार्थ्यांना समुपदेशन देण्यासाठी ReachOut नावाचा कार्यक्रम सुरू केला आहे. याअंतर्गत त्यांनी टोल-फ्री हेल्पलाइन नंबर सुरू केला आहे.

“ज्यांना अशा तीव्र आघाताचा अनुभव येतो, त्यांना PTSD ची लक्षणे दिसतात. असा मुलांना त्यांच्या भविष्याची काळजी लागून राहते. आम्ही या मुलांची मदत करण्यासाठी पुढे आलो आहोत," ReachOut कार्यक्रमाचे प्रमुख डॉ अभिजित नाडकर्णी म्हणाले.

“या विद्यार्थ्यांसाठी (Students) हे सुरुवातीचे दिवस असले तरी, कोणत्याही प्रकारच्या आघाताचा या विद्यार्थ्यांच्या मनावर दीर्घकालीन प्रभाव पडतो हे दाखवण्यासाठी पुरेसे पुरावे आहेत. त्यापैकी काहींवर याचा परिणाम होण्याची शक्यता आहे,” डॉ नाडकर्णी म्हणाले.

पोस्ट-ट्रॉमाटिक स्ट्रेस डिसऑर्डर म्हणजे काय

पोस्ट-ट्रॉमॅटिक स्ट्रेस डिसऑर्डर (PTSD) ही एक मानसिक स्थिती आहे जी एखाद्या भयानक घटनेमुळे उद्भवते. बहुतेक लोक जे अत्यंत क्लेशकारक घटनांमधून जातात त्यांच्या मानसिक आरोग्यावर (Mental Health) परिणाम होऊ शकतो. यातून बाहेर येण्यासाठी आरोग्याची काळजी घेणे गरजेचे आहे.