हल्लीच नवीन मार्केटमध्ये स्थलांतरित करण्यात आलेल्या व्यवसायिकांनी पुन्हा रस्त्यावर बसून आपला व्यवसाय थाटला. पालिकेने केलेली कारवाई निष्फळ ठरली. वास्को शहरात येथील काही मोक्याच्या ठिकाणी बसून वाहतूक रहदारीला तसेच पार्किंगला अडथळा आणून तसेच पद पथावर बसून आपला व्यवसाय थाटलेल्या विक्रेत्यांना हल्लीच पालिकेने कारवाई करून त्यांना येथे नव्याने नूतनीकरण करण्यात आलेले पूर्वीच्या मासळी मार्केटमध्ये स्थलांतरित करण्यात आले होते.
या मार्केटचा मोठ्या दिमाखात उद्घाटन वास्कोचे आमदार कृष्णा साळकर, नगराध्यक्ष लिओ रॉड्रिग्स व इतर नगरसेवकांच्या उपस्थितीत करण्यात आले होते. बाहेर अत्याव्यस्त ठिकाणी बसून राहिलेल्या सुमारे 50 व्यावसायिकांना या मार्केटमध्ये जागा आखून त्यांना बसविले होते.
दरम्यान या मार्केटमध्ये गिऱ्हाईक फिरत नसल्याने या व्यावसायिकांनी आपला मोर्चा पुन्हा रस्त्यावर बसून विक्री करण्यास वळविला आहे. त्यामुळे पालिकेने केलेले प्रयत्न फोल ठरले आहे. त्यांना स्थलांतरित करताना पालिकेने, पुन्हा रस्त्यावर बसणाऱ्यावर कडक कारवाई करू असा इशारा दिला होता. मात्र पालिकेच्या इशाराला न जूमानता व्यवसायिकांनी आपला व्यवसाय पुन्हा रस्त्यावर थाटला. पालिका मात्र सुस्त.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.