दाबोळी विमानतळ (Dabolim Airport) परिसरात मुख्य रस्त्यावर राष्ट्रीय महामार्ग 17B वर जाहिरात होर्डिंग वर लावलेली दिवे कार्यक्षम आहेत. परंतु रस्त्यावरील वीज खांबावरील पथदिवे (Street Lamp) बंद असल्याने अपघातांना आमंत्रण दिले जात आहे.
दाबोळी विमानतळ परिसर हा 24 तास नेहमीच गजबजलेला असतो. या विमानतळावर हजारो देशी, विदेशी पर्यटकांची ये-जा सुरू असते. मात्र विमानतळ परिसराशेजारी असलेल्या राष्ट्रीय महामार्गावरील पथ दीव्यांची दुरावस्था झाली आहे. त्यामुळे वीज खांबावरील पथदीवे सध्या बंदच आहेत. रसत्यावरून प्रवास करणाऱ्या वाहनधारक तसेच, पादचाऱ्यांची गैरसोय होत आहे. प्रवासी, विमानतळ कर्मचारी, पर्यटक व पादचाऱ्यांना अंधारातून मार्ग काढावा लागत आहे.
दुसरीकडे राष्ट्रीय महामार्गाच्या बाजूने उभारलेल्या जाहिरात होर्डिंगवर लावलेले दिवे कार्यक्षम आहेत. रस्त्यावरील दिवे लावले जात नसल्याने आश्चर्य व्यक्त करण्यात येत आहे. राष्ट्रीय महामार्गा शेजारी असलेल्या जाहिरात फलक झळकावे यासाठी पथदीप दिवे मुद्दाम म्हणून पेटवले जात नाही ना? असा प्रश्न नागरिकांना पडला आहे. राष्ट्रीय महामार्गावरील पथदीप पेटवण्याची मागणी नागरिकांकडून होत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
