Goa Congress : राहुल गांधींच्‍या मागे खंबीर उभे रहा; काँग्रेसचे जनतेला आवाहन

पंतप्रधान नरेंद्र मोदी यांनी न्यायपालिका, सीबीआय, ईडीसारख्या महत्त्‍वपूर्ण सरकारी संस्था आपल्या हातात घेतल्या आहेत. मोदी व अदानी यांच्यातील संबंधांवर काँग्रेस नेते राहुल गांधी वारंवार आवाज उठवत आहेत. त्‍यामुळे त्यांचे तोंड बंद करण्यासाठी त्यांच्याविरोधात कट रचला जात असल्याची टीका काँग्रेसचे नेते कॅप्टन विरियातो फर्नांडिस यांनी मडगावात घेतलेल्या पत्रकार परिषदेत केली.

यावेळी त्‍यांच्‍यासमवेत दक्षिण गोवा जिल्हा काँग्रेसचे अध्यक्ष सावियो डिसिल्वा, सचिव मोरेनो रिबेलो, महिला काँग्रेसच्या अध्यक्षा बीना नाईक उपस्थित होत्या. मोरेनो रिबेलो, बीना नाईक यांनीही विचार मांडले. लोकांचा आवाज चिरडण्याचे काम सरकार करीत आहे, असे त्‍या म्‍हणाल्‍या.