ओल्ड गोवा: गेल्या अनेक दिवसांपासून गोवाआणि गोव्याबाहेरील भाविक सेंट फ्रान्सिस झेवियर यांच्या शव प्रदर्शनाची वाट पाहत आहेत आणि आता या सोहळ्याला केवळ एक दिवस बाकी राहिला आहे. जुने गोवे किंवा ओल्ड गोवा इथे बुधवार (दि. 20 नोव्हेंबर) पासून सेंट फ्रान्सिस झेवियर यांच्या शव प्रदर्शनाला सुरुवात होईल. या सोहळ्याला उपस्थित राहणाऱ्यांना सेंट झेवियर यांचा जीवनपट उलघडून दाखवला जाईल.
शव प्रदर्शनच्या दरम्यान से कॅथेड्रल चर्चच्या भिंतीवर थ्रीडी इफेक्ट्ससह ओल्ड गोव्याच्या चर्चाचा इतिहास आणि काही महत्वाच्या घटनांचे प्रदर्शन होणार आहे. या माध्यमातून इतिहास समोर यावा तसेच उपस्थितांना गोष्टींच्या माध्यमातून सेंट झेवियर यांचे कार्य उलघडून दाखवता यावे म्हणून हा आगळावेगळा कार्यक्रम आयोजित करण्यात आला आहे.
एकूण सात दिवसांसाठी या कार्यक्रमाचे आयोजन करण्यात आले आहे. 24 डिसेंबर ते 30 डिसेंबर या कालावधीत दर अर्ध्या तासाच्या अंतरात 5-7 मिनिटाचे क्लिप्स दाखवले जाणार आहेत आणि यासाठी संध्याकाळी 7 ते 10 अशी वेळ निश्चित करण्यात आली आहे.
शव प्रदर्शनाच्या वेळी आलेल्या सर्व यात्रेकरूंची व्यव्यथा सेंट जोसेफ वाझ रीन्युअल सेंटर, पेस्टॉरल इंस्टीट्यूट , से कॅथेड्रल येथे करण्यात येणार आहे. याशिवाय चर्चपासून काही किलोमीटर अंतरावर पिलग्रिम व्हिलेजची उभारणी करण्यात आली असून यामध्ये 200 लोकांच्या राहण्याची सहज व्यवस्था केली जाईल.
भाकीया प्रॉपर्टीवर पार्किंगची सोय केली जाणार आहे. या ठिकाणी दिव्यांग किंवा इतर आजरी लोकं देखील गाड्या पार्क करू शकतात. शिवाय चर्चच्या मागच्या बाजूला असलेली जागा पाद्री आणि इतर धर्मांगुरूंसाठी राखीव ठेवण्यात आली आहे. याजागेत कॉयर गायक देखील त्यांच्या गाड्या उभ्या करू शकतील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.