St. Xavier Exposition: शव प्रदर्शनाला केवळ दोन दिवस बाकी; यात्रेकरूंच्या राहण्याची, पार्किंगची तयारी कुठवर आली?

जुने गोवे: सेंट फ्रान्सिस झेवियर यांच्या शव प्रदर्शनाला आता काही काळ बाकी राहीला आहे. या दरम्यान येणाऱ्या सर्व भाविकांची तसेच पर्यटकांची व्यवस्था नीट व्हवी म्हणून समिती आणि राज्य सरकार दोन्ही प्रयत्नशील आहेत. सध्या गोव्यात प्रदर्शन समिती, पोलीस यंत्रणा आणि सरकार वेगवेगळ्या कामांमध्ये गुंतलेलं पाहायला मिळतंय. आता जवळपास सगळीच कामं पूर्ण झाली असून काही अंतिम टप्प्यातील कामं बाकी आहेत. चला मग पाहूया दोन दिवसांवर येऊन ठेवपलेल्या उत्सवाची एकूण तयारी कुठवर आली आहे...

शव प्रदर्शनाच्या वेळी आलेल्या सर्व यात्रेकरूंची व्यव्यथा सेंट जोसेफ वाझ रीन्युअल सेंटर, पेस्टॉरल इंस्टीट्यूट , से कॅथेड्रल येथे करण्यात येणार आहे. याशिवाय चर्चपासून काही किलोमीटर अंतरावर पिलग्रिम व्हिलेजची उभारणी करण्यात आली असून यामध्ये 200 लोकांच्या राहण्याची सहज व्यवस्था केली जाईल, हे कॉटेज उभारण्याचं काम सुरु आहे.

पार्किंगचा विचार करायचाच झाला तर भाकीया प्रॉपर्टीवर पार्किंगची सोय केली जाणार आहे. या ठिकाणी दिव्यांग किंवा इतर आजरी लोकं देखील गाड्या पार्क करू शकतात.शिवाय चर्चच्या मागच्या बाजूला असलेली जागा पाद्री आणि इतर धर्मांगुरूंसाठी राखीव ठेवण्यात आली आहे. याजागेत कॉयर गायक देखील त्यांच्या गाड्या उभ्या करू शकतील.

सामान्य लोकांना या जागेत गाडी लावता येणार नाही हे मात्र लक्ष्यात घेतलं पाहिजे. शिवाय सांता मोनिका कॉन्व्हेंट येथील चर्चच्या आवारात सामान्य लोकांना गाडी पार्क करता यावी म्हणून तयारी सुरु आहे.

यावेळी चर्चमध्ये येणाऱ्या सर्व भाविकांसाठी टॉयलेटची सेवा देखील दिली जाणार आहे. भारतीय पुरातत्व विभागाच्या मान्यतेनुसार एका ठरविक जाग्यांवर काही टेम्पररी शौचालये बांधली जातील आणि सोहळा समाप्त झाल्यानंतर ही शौचालये काढण्यात येतील.

सेंट झेवियर यांच्या सोहळ्यात सामील होणाऱ्या प्रत्येकाला रांगेत उभं राहून दर्शन घेणं भाग आहे. इथे कुठल्याही प्रकारचे बुकिंग उपल्बध करून दिले गेले नसल्याची माहिती आयोजन समितीचे सदस्य फादर फाल्काओ यांनी दिली. मात्र दिव्यांग लोकांसाठी तसेच वृद्ध माणसांसाठी विशेष व्यव्यस्था केली जाईल असेही ते म्हणालेत. ज्या भाविकांना चर्च बद्दल एकूण माहिती जाणून घेण्याची इच्छा आहे त्यांनी कॅथोलिक कनेक्ट ॲप डाऊनलोड करावे, कारण यामधूनच त्यांना ऑडिओमधून एकूणच माहिती दिली जाईल.

सेंट झेवियर यांच्या शव प्रदर्शन कार्यक्रमात एकूण 62 कलाकार त्यांच्या कलेच्या मध्यमातून संत झेवियर यांचा जीवनप्रवास उलघडून दाखवणार आहेत.

आत्तापर्यंत बॅसिलिका जवळ उभारण्यात आलेल्या पंडालचे काम जवळपास पूर्ण झाले असून इथे अनेक सुविधा उभारल्या जातील. इथे जर्मन हँगरदेखील उभारण्यात आलाय आणि एकंदरीतच गोवेकरांच्या मनात येत्या प्रदर्शनाचा उत्साह पाहायला मिळतोय.