पणजी: गेल्या वर्षी ३१ ऑगस्टच्‍या रात्री सांतइस्तेव्ह फेरीधक्क्‍याजवळ कार नदीत घुसून झालेल्‍या घटनेत बेपत्ता असलेला बाशुदेव भंडारी (गुजरात) प्रकरणात गोवा पोलिसांच्या गुन्हे शाखेने २७९ पानांचे आरोपपत्र दाखल केले आहे. त्‍यात बेळगाव येथील दोघांची नावे असून ७७ साक्षीदारांची यादी समाविष्ट आहे.
या घटनेनंतर बाशुदेव बेपत्ता झाला तर त्याच्यासोबत असलेली युवती कारमधून बाहेर पडण्यात यशस्वी झाली होती. तिने दिलेल्या माहितीनुसार, अपघातापूर्वी एका दुसऱ्या वाहनाने त्यांचा पाठलाग केला होता. बाशुदेवचा शोध घेण्यासाठी पोलिसांनी नौदल, अग्निशमन दल आणि आपत्कालीन सेवा पथकांची मदत घेतली. मात्र, त्याचा शोध लागला नाही.
गुन्हे शाखेच्या अधिकाऱ्यांनी दिलेल्या माहितीनुसार, या आरोपपत्रात संशयित आरोपींविरुद्ध खटला चालवण्यासाठी आवश्यक असलेले अनेक पुरावे गोळा करण्यात आले आहेत.
बाशुदेव भंडारी याच्या बेपत्ता होण्यामागच्या घटनांचा क्रम शोधण्यासाठी पोलिस पथक परिश्रमपूर्वक काम करत आहेत आणि हे आरोपपत्र या प्रकरणातील एक महत्त्वपूर्ण ठरेल, असेही त्यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.