Manohar International Airport: मोपा विमानतळावर लवकरच स्पाईसजेट कंपनी सुरु करणार विमान सेवा

Manohar International Airport: स्पाईसजेट कंपनीने मनोहर आंतरराष्‍ट्रीय विमानतळावर विमानसेवा सुरु करण्याची घोषणा केली आहे. दिल्ली, कोलकत्ता व बंगळुरू येथे ही विमानसेवा 10 फेब्रुवारीपासून तर 2 मार्चपासून सेवा सुरू करण्यात येणार आहे. (Mopa International Airport)

मनोहर आंतरराष्ट्रीय विमानतळाचे उद्घाटन पंतप्रधान नरेंद्र मोदींच्या हस्ते करण्यात आले. या पार्श्वभूमीवर इंडिगो व गो फर्स्ट, एअरलाईन्स या तीन विमान कंपन्यांनी मुंबई, दिल्ली, हैदराबाद, बंगळूर अशा महत्वाच्या ठिकाणांवरुन येणारी आपली विमाने दाबोळीवरुन मोपावर विमान सेवा सुरु करण्याची घोषणा केली होती.

स्पाईसजेट कंपनी दिल्ली व कोलकत्ता येथे 10 फेब्रुवारीपासून तर बंगळुरू येथे 2 मार्चपासून विमानसेवा सुरु करणार आहे.

'इंडिगो’कडून मोपा विमानतळावरून आठवड्याला 168 उड्डाणे होणार असून देशांतर्गत 8 स्थळांमध्ये हैद्राबाद, दिल्ली, मुंबई, बंगलोर, चेन्नई, पुणे, जयपूर आणि अहमदाबाद यांचा समावेश आहे.