केपे: पेड्डामळ येथून एक अपघाताची घटना समोर आली आहे. स्कॉडा चारचाकी चालकाने तीन दुचाकींना धडक दिल्याचा प्रकार रविवारी रात्री उघडकीस आला.
यात एका दुचाकी चालकाचा जागीच मृत्यू झाला तर एकजण गंभीर जखमी झाला आहे. चारचाकी चालक अमली पदार्थाच्या नशेत असल्याचा आरोप स्थानिकांनी केला आहे.
अब्दुल कादर बादशाह असे या अपघातात मृत्यू झालेल्या व्यक्तीचे नाव आहे. तर, सुफियान शेख असे यात गंभीर जखमी झालेल्या दुसऱ्या व्यक्तीचे नाव आहे.
पेड्डामळ येथे रात्रीच्या सुमारास हा अपघात झाला. यात दुचाकींचे प्रचंड नुकसान झाले आहे. अपघातानंतर चारचाकी चालकाने घटनास्थळावरुन पळ काढला. पोलिसांनी अपघातस्थळी धाव घेत पंचनामा केला. दरम्यान, यावेळी स्थानिकांनी देखील मोठी गर्दी यावेळी केली होती.
कार चालक अमली पदार्थाच्या नशेत असल्याचा दावा स्थानिकांनी केला आहे. चारचाकीत अमली पदार्थाच्या पुड्या देखील आढळून आल्याने स्थानिकांनी संताप व्यक्त करत तात्काळ गुन्हा दाखल करण्याची मागणी केली.
अपघातानंतर कार चालक घटनास्थळावरुन फरार झाला. दरम्यान, ही घटना हिट अँड रनची आहे, असा दावा करत गुन्हा दाखल करण्याची व चालकाला तात्काळ अटक करण्याची मागणी पेड्डामळ स्थानिकांनी केली. यावेळी परिसरात काहीकाळ तणावपूर्ण वातावरण पाहायला मिळाले.
पोलिसांनी घटनास्थळी दाखल होत पंचनामा केला असून, याबाबत अधिक तपास सुरु असल्याची माहिती समोर आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.