Ganapati Special Trains: गणेशोत्सवात कोकणात जाणाऱ्या चाकरमान्यांसाठी गुडन्यूज, मध्य रेल्वे सोडणार 'स्पेशल गाड्या', येथे पाहा संपूर्ण वेळापत्रक

सासष्टी: गणेशचतुर्थीनिमित्त आपआपल्या गावी जाणाऱ्या चाकरमान्यांना प्रवाशांच्या गर्दीचा त्रास होऊ नये म्हणून मध्य रेल्वेने कोकण रेल्वे मार्गावर विशेष रेल्वे गाड्यांची व्यवस्था केली आहे.

गाड्यांची यादी व वेळापत्रक पुढीलप्रमाणे

१) ट्रेन क्रमांक ०११५५ व ०११५६ दिवा जंक्शन ते चिपळूण व परत. ट्रेन क्रमांक ०११५५ ही गाडी २३ ऑगस्ट ते १० सप्टेंबर या कालावधीत दिवा जंक्शनवरून ०७.१५ वा. सुटेल व चिपळूण स्थानकावर १४.०० वा. पोहोचेल. ट्रेन क्रमांक ०११५६ चिपळूण येथून १५.३० वा. सुटेल व दिवा जंक्शनवर त्याच दिवशी २२.५० वा. पोहोचेल.

२) ट्रेन क्रमांक ०११६५ व ०११६६ लोकमान्य टिळक ते मडगाव व परत. या ट्रेन साप्ताहिक असून ०११६५ क्रमांकाची ट्रेन लोकमान्य टिळक स्थानकाहून २६ ऑगस्ट, २ सप्टेंबर व ९ सप्टेंबर या दिवसांत ००.४५ वा. सुटेल व मडगाव स्थानकावर त्याच दिवशी १४.३० वा. पोहोचेल. ०११६६ क्रमांकाची ट्रेन मडगाव स्थानकाहून २६ ऑगस्ट, २ व ९ सप्टेंबर या दिवशी १६.३० वा. सुटेल व लोकमान्य टिळक स्थानकावर दुसऱ्या दिवशी ०४.५० वा. पोहोचेल. ही ट्रेन गोव्यात थिवी व करमळी या स्थानकावर थांबेल.

३) ट्रेन क्रमांक ०११८५ व ०११८६ लोकमान्य टिळक ते मडगाव व परत (साप्ताहिक). ट्रेन क्रमांक ०११८५ लोकमान्य टिळक स्थानकावरून २७ ऑगस्ट व ३ सप्टेंबर या दिवशी ००.४५ वा. सुटेल व मडगाव स्थानकावर त्याच दिवशी १४.३० वा. पोहोचेल. ट्रेन क्रमांक ०११८६ मडगावहून २७ ऑगस्ट व ३ सप्टेंबर असे दोन दिवस १६.३० वा. सुटेल व लोकमान्य टिळक स्थानकावर दुसऱ्या दिवशी ०४.५० वा. पोहोचेल. गोव्यात ही ट्रेन करमळी व थिवी स्थानकावर थांबेल.

४) ट्रेन क्रमांक ०११२९ व ०११३० लोकमान्य टिळक ते सावंतवाडी रोड (साप्ताहिक). ०११२९ क्रमांकाची ट्रेन लोकमान्य टिळक टर्मिनसहून २६ ऑगस्ट, २ व ९ सप्टेंबर असे तीन दिवस ०८.४५ वा. सुटेल व सावंतवाडी रोड स्थानकावर त्याच दिवशी २२.२० वा. पोहोचेल. ०११३० क्रमांकाची ट्रेन सावंतवाडी रोड स्थानकावरून २६ ऑगस्ट, २ व ९ सप्टेंबर असे तीन दिवस २३.२० वा. सुटेल व लोकमान्य टिळक टर्मिनसवर दुसऱ्या दिवशी ११.४५ वा. पोहोचेल.

५) ट्रेन क्रमांक ०१४४५ व ०१४४६ पुणे जंक्शन ते रत्नागिरी व परत (साप्ताहिक). ट्रेन क्रमांक ०१४४५ पुणे जंक्शनहून २६ ऑगस्ट, २ व ९ सप्टेंबर असे तीन दिवस ००.२५ वा. सुटेल व रत्नागिरीला त्याच दिवशी ११.५० वा. पोहोचेल. ०१४४६ क्रमांकाची ट्रेन रत्नागिरीहून २६ ऑगस्ट, २ व ९ सप्टेंबर असे तीन दिवस १७.५० वा. सुटेल व पुणे जंक्शन येथे दुसऱ्या दिवशी ५.०० वा. पोहोचेल.

६) ट्रेन क्रमांक ०१४४७ व ०१४४८ पुणे जंक्शन ते रत्नागिरी (साप्ताहिक). ट्रेन क्रमांक ०१४४७ शनिवार २३ ऑगस्ट, ३० ऑगस्ट व ६ सप्टेंबर असे तीन दिवस पुणे जंक्शनवरून ००.२५ वा. सुटेल व रत्नागिरीला त्याचदिवशी ११.५० वा. पोहोचेल. ट्रेन क्रमांक ०१४४८ क्रमांकाची ट्रेन शनिवार २३ व ३० ऑगस्ट व ६ सप्टेंबर असे तीन दिवस रत्नागिरीहून १७.५० वा. सुटेल व पुणे जंक्शन येथे दुसऱ्या दिवशी ५.०० वा. पोहोचेल.