Goa Crime अल्पवयीन मुलीने तिच्यावरील बलात्कारप्रकरणातील संशयित बापाला जामीन देण्यास ना हरकत अर्ज न्यायालयात दाखल केला तरी हा गुन्हा गंभीर स्वरूपाचा असल्याचे निरीक्षण करत विशेष न्यायालयाने त्याचा जामीन अर्ज फेटाळला.
या खटल्यावरील सुनावणी न्यायालयात सुरू असून साक्षीदारांच्या जबान्या अजून नोंद व्हायच्या आहेत. संशयिताला जामीन मिळाल्यास तो धमकावण्याची शक्यता आहे, असा युक्तिवाद सरकारी वकिलांनी मांडला तो न्यायालयाने उचलून धरत जामीन नाकारला आहे.
उत्तर गोव्यात 2021 साली अल्पवयीन मुलीवरील बलात्कारप्रकरणी बापाविरुद्धच पोलिस स्थानकात मुलीच्या आईने तक्रार दाखल केली होती. पोलिसांनी याप्रकरणी विनयभंग, बलात्कार, धमकी व पॉक्सो कायद्याखाली मुलीच्या बापाविरुद्ध गुन्हा दाखल करून त्याला अटक केली होती.
तेव्हापासून तो सध्या कोठडीत आहे. पोलिसांनी या प्रकरणी तपास करून पीडित मुलगी व तिची आई, दोन स्वतंत्र पंच याच्यासह २९ जणांच्या साक्षीदारांसह न्यायालयात आरोपपत्र सादर केले आहे.
आतापर्यंत मुलीची, तिच्या आईची व दोन पंचांची साक्ष न्यायालयात नोंदवण्यात आली आहे. या साक्षीत मुलीने व आईने घुमजांव करत त्यांनी खोटी तक्रार दिल्याची न्यायालयात साक्ष दिली आहे.
ही खोटी तक्रार आपल्या बहिणीने देण्यास भाग पाडले, असे मुलीच्या आईने सांगितले आहे. न्यायालयातही पीडित मुलीने जबानी देताना बापाला क्लीन चीट दिली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.