Sonsodo Garbage Plant : दक्षिण गोवा जिल्हाधिकाऱ्यांकडून सोनसडोची पाहणी

Sonsodo Garbage Plant : दक्षिण गोवा जिल्हाधिकारी अश्विन चंद्रू ए. यांनी आज सोनसडो कचरा यार्डातील परिस्थितीचा आढावा घेतला.

सोनसडो कचरा व्यवस्थापनामुळे आगीच्या आणि आपत्कालीन घटनांसंदर्भात आपत्कालीन व्यवस्थापन अधिकारी तथा दक्षिण गोवा जिल्हाधिकाऱ्यांना तत्काळ पाहणी करून उद्या 11 जुलै रोजी न्यायालयात हजर राहण्याचे निर्देश मुंबई उच्च न्यायालयाच्या गोवा खंडपीठाने दिले होते. न्यायालयाच्या आदेशानुसार जिल्हाधिकाऱ्यांनी आज पाहणी केली.

सिटीजन फाॅर सोनसडो आणि गोवा फाऊंडेशन या बिगर सरकारी संस्थानी सोनसडो कचरा यार्डातील आगीच्या घटनांसंदर्भात जनहित याचिका दाखल केली आहे. याचिकेवर सोमवारी सुनावणी सुरू असताना, गेल्या आठवड्यात सोनसडोतील कचऱ्याला पुन्हा आग लागल्याचे याचिकाकर्त्यांनी खंडपीठाच्या निदर्शनास आणून दिले.

खंडपीठाने आपत्कालीन व्यवस्थापन अधिकाऱ्यांनी पाहणी करण्याची सूचना केली होती. अश्विन चंद्रू ए. यांनी लगेच दुपारी पाहणी केली आहे.