पणजी, कोणत्या विमानतळावरून सेवा द्यायची, हा सर्वस्वी विमान कंपन्यांचा अधिकार असतो. असे असेल, तर मग मुख्यमंत्री डॉ. प्रमोद सावंत हे दाबोळी विमानतळ सुरू राहणार हे कशाच्या जोरावर सांगत आहेत, अशी विचारणा विरोधी पक्षनेते युरी आलेमाव यांनी आज विधानसभेत केली.
विधानसभेचे कामकाज सुरू झाले, तेव्हा आलेमाव यांनी हा विषय उपस्थित केला. ते म्हणाले की, खासदार कॅप्टन विरियातो फर्नांडिस यांनी लोकसभेत विचारलेल्या प्रश्नावर केंद्र सरकारने म्हटले आहे की, कोणत्या विमानतळावरून सेवा पुरवायची,
हा विमान कंपन्यांचा अधिकार असतो. असे आहे, तर मग दाबोळीवरून विमान कंपन्या सेवा सुरू ठेवतील, असे मुख्यमंत्री कसे सांगू शकतात? सरकारचे विमान कंपन्यांवर नियंत्रण नाही, तर मग दाबोळी कसा सुरू ठेवणार?
त्यावर सभापतींनी कोणताही विषय मांडण्याआधी परवानगी घेणे आवश्यक असल्याकडे लक्ष वेधले. ते म्हणाले की, सभागृहाचा वेळ वाया घालवू नका. त्यावर आलेमाव यांनी विमानसेवा हा महत्त्वाचा विषय आहे, असे सांगण्याचा प्रयत्न केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.