Goa Crime News: मानवी तस्करी प्रकरणात गुंतलेल्या एका दांपत्यासह एका महिला दलालास अटक करण्यात आली आहे, तसेच सहा पीडित महिलांची सुटका केली आहे, अशी माहिती जुने गोवे पोलिस निरीक्षक योगेश सावंत यांनी दिली.
रायबंदर येथील एम. के. पब हाउस येथे लैंगिक छळ केला जात असल्याची तक्रार 18 डिसेंबर रोजी सोस्तिका पून (वय 18, नेपाळ) या युवतीने दाखल केली होती. त्यानंतर जुने गोवे पोलिसांनी ही कारवाई केली.
या प्रकरणातील मुख्य संशयित बारमालक महेश हेगडे (38, उडुपी – कर्नाटक) याला पोलिसांनी सोमवारी मध्यरात्री 2.17 वाजता अटक केली, तर होबळे रिव्हर लॉज, रायबंदर येथे रहात असलेल्या कश्मीरा महेश हेगडे ऊर्फ रिधम लामा (24, बंगळूर – कर्नाटक) आणि दीपा ठाकुरी (24, नेपाळ) या दोन्ही महिला संशयितांना मध्यरात्री 12.04 वाजता अटक करण्यात आली.
मानवी तस्करी करून महिलांना वेश्या व्यवसायात गुंतवल्याप्रकरणी अटक केलेल्या तिन्ही संशयितांना पणजी प्रथमवर्ग न्यायदंडाधिकारी न्यायालयात हजर केले असता, त्यांना तीन दिवसांची पोलिस कोठडी देण्यात आली.
या प्रकरणाचा पुढील तपास पोलिस निरीक्षक योगेश सावंत करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
