Sanquelim Municipal Council: मुख्यमंत्र्यांच्या उपस्थितीत सिध्दी प्रभू यांनी घेतला नगराध्यक्षपदाचा ताबा

साखळी: साखळी नगरपालिकेच्या नगराध्यक्षपदी अपेक्षेप्रमाणे सिध्दी प्रभू यांची काल बिनविरोध निवड झाली. सकाळी नगरपालिका कार्यालयात झालेल्या निवड प्रक्रियेत सिध्दी प्रभू यांची निवड जाहीर केल्यानंतर त्यांनी नगराध्यक्षपदाचा ताबा स्वीकारला.

यावेळी मुख्यमंत्री डॉ. प्रमोद सावंत यांनी खास नगरपालिकेत उपस्थित राहून सिध्दी प्रभू यांचे अभिनंदन केले.

नगरपालिका कार्यालयातील या बैठकीस नवनिर्वाचित नगराध्यक्ष सिध्दी प्रभू, उपनगराध्यक्ष आनंद काणेकर, माजी नगराध्यक्ष रश्मी देसाई, नगरसेवक यशवंत माडकर, दयानंद बोर्येकर, प्रविण ब्लेगन, रियाझ खान, ब्रह्यानंद देसाई, विनंती पार्सेकर, निकीता नाईक, दीपा जल्मी, अंजना कामत, पालिका मुख्याधिकारी कबीर शिरगावकर, निवडणूक निरीक्षक उपजिल्हाधिकारी रोहन कासकर यांची उपस्थिती होती.