Goa Panchayat|शेळडे पंचायत सचिवांना कारणे दाखवा नोटीस

मडगाव : माहिती हक्क कायद्यांतर्गत मागितलेली माहिती दडवून ठेवल्याचा ठपका ठेवत राज्य माहिती आयुक्त संजय ढवळीकर यांनी केपे तालुक्यातील शेळडे पंचायतीचे सचिव रवींद्र वाडीकर यांच्या विरोधात कारणे दाखवा नोटीस जारी केली आहे.

(Show cause notice to Shelde Panchayat Secretary in goa)

तुमच्यावर कारवाई का करण्यात येऊ नये याचे स्पष्टीकरण देण्यात यावे, असेही त्यात म्हटले आहे. या प्रकरणी आता ६ ऑक्टोबर रोजी सुनावणी होणार आहे. सोनफातर- शेळडे येथील अनिल सावंत देसाई यांनी वाडीकर यांच्याविरोधात माहिती आयुक्त कार्यालयात ही याचीका दाखल केली होती. सोनफातर येथील हाउसिंग बोर्ड खुल्या जागेत स्थानिक पंचायतीकडून व्हालीबॉल मैदान बांधले जात होते. या मैदानाला हाउसिंग बोर्डमधील राहिवाशांनी विरोध केला होता. या प्रकरणी सावंत देसाई यांनी दोन वेगवेगळ्या प्रकरणात पंचायतीकडून माहीती हक्क कायद्याखाली माहिती मागितली होती.