पणजी: पंचायत निवडणुकीत यंदा मोठ्या संख्येने युवा पंचसदस्य निवडून आले आहेत. युवा वर्ग पोटतिडकीने काम करणार याबाबत दुमत नाही.पंचायतींचा कारभार पारदर्शक करायचा असेल, तर तो डिजिटल पद्धतीने वाढवण्याची गरज आहे, असे मत पंचायत मंत्री माविन गुदिन्हो यांनी व्यक्त केले. पर्वरी येथे विधानसभा संकुलात ते पत्रकारांशी होते.
(Digital mode is now essential for transparent governance in goa)
पंचायतींचा कारभार डिजिटल पद्धतीने करण्यासाठी प्रयत्न सुरू असून, अनेक सेवा ऑनलाईन केल्या आहे. त्यात अर्ज ई - मेलद्वारे पाठवण्याची व्यवस्था देखील केली जाणार आहे. यासाठी खात्याला निर्देशदिले आहेत.अधिकाऱ्यांनी पंचसदस्यांसोबत समन्वय करून ही प्रक्रिया चालीस लावण्याची आवश्‍यकता आहे, असे गुदिन्हो यांनी सांगितले.
नवीन पंचसदस्यांमध्ये जास्त युवा वर्ग असल्याने अत्याधुनिक तंत्रज्ञानाचा वापर करण्यात त्यांचा कल असतो, त्यासाठी ही गोष्ट चांगली आहे. त्यांच्याकडून ही जबाबदारी पेलणार नाही, हा निकर्ष आताच लावणे चुकीचे आहे. त्यांना एक संधी दिली पाहिजे, असे आवाहन गुदिन्हो यांनी केले.
राज्‍यात अतिवेगाने वाहन चालवण्याचे प्रकारामुळे अपघात होत असून, त्यासाठी कॅमेरे बसवण्याचा विचार सुरू आहे. आता त्यासाठी खाजगी व्यक्तींना कॅमेरे बसवून कायद्याचे उल्लंघन करणाऱ्यांची माहिती वाहतूक खाते आणि वाहतूक पोलिसांना पुरवण्याचे काम सोपवले जाईल. यासाठी त्यांचे कमिशनदेखील त्यांना दिले जाईल.
- माविन गुदिन्हो, वाहतूक मंत्री
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
