उत्तर गोव्यात कळंगुट आणि पेडणे पोलिस स्थानकाच्या क्षेत्रात काही दिवसांपूर्वी पर्यटकांवर झालेल्या हल्ल्यांप्रकरणी पर्यटन खात्याने दोन हॉटेलांना कारणे दाखवा नोटीस बजावली आहे.
या नोटिसीमध्ये हॉटेल आणि रिसॉर्टमालकांना पर्यटकांना इजा केल्याप्रकरणी त्यांच्यावर कारवाई का करू नये, अशी विचारणा करण्यात आली आहे.
यापूर्वी राज्यातील सर्व हॉटेलमालकांनी कामगारांना नोकरी देण्याआधी त्यांची चौकशी करावी, पोलिस पडताळणी आणि गोव्याच्या बाहेरून आलेल्या कर्मचाऱ्यांसाठी कामगार विभागाकडून मजूर ओळखपत्र द्यावे, या बाबींसाठी नोटीस बजावण्यात आली आहे.
सर्व हॉटेल्स व गेस्ट हाऊसना पर्यटन खात्याकडे नोंदणी सक्तीची करण्यात आली आहे. याव्यतिरिक्त कामावर ठेवण्यात येणाऱ्या कर्मचाऱ्यांची पोलिस खात्यामार्फत पडताळणी करण्याचीही आवश्‍यकता आहे.
या नियमांचे पालन न करणारे हॉटेल व रिसॉर्ट उघडकीस आल्यास त्यांनाही कारणे दाखवा नोटीस बजावण्यात येईल, असा इशारा पर्यटन खात्याने दिला आहे. तथापि, राज्यात पर्यटकांना गैर वागणूक दिल्यामुळे संतापाची लाट उसळली आहे
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
