Konkan Railway Police Beaten at Margao: कोकण रेल्वे पोलिसांत कार्यरत असलेल्या एका कर्मचाऱ्याला गोव्यातील मडगाव येथे मारहाण करण्यात आल्याचा प्रकार उघडकीस आला आहे. या प्रकरणी संशयिताला पोलिसांनी अटक केली आहे.
मडगाव येथील कोकण रेल्वे पोलिस ठाण्यात श्रीनिवास रेड्डी हे कार्यरत आहेत. रमेश लक्ष्मण नाईक (वय 39) याने रेड्डी यांना मारहाण केली. सध्या तो मांडोप येथे वास्तव्यास असून मूळचा कर्नाटकातील भटकल येथील आहे.
मारहाणीची ही घटना घटना बुधवारी सायंकाळी घडली होती. रेड्डी हे साध्या वेशात मडगाव रेल्वे स्थानकात गस्त घालत होते. तेव्हा नाईक याचे रेड्डी यांच्याशी भांडण झाले. यात नाईक याने रेड्डी यांना मारहाण केली. त्यात रेड्डी यांच्या हाताच्या बोटाला दुखापत झाली आहे.
पोलिसांनी नाईक याच्यावर गुन्हा दाखल केला असून सध्या त्याच्याकडे चौकशी केली जात आहे. भारतीय दंडसंहितेच्या कलम ३३२ नुसार कोकण रेल्वे पोलिसांनी संशयितावर कारवाई केली आहे.
पोलिस निरीक्षक सुनील गुडलर यांच्या मार्गदर्शनाखाली सहाय्यक पोलिस उपनिरीक्षक विन्टन आरावजो या प्रकरणाचा तपास करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.